محتاج حد يوجهنى وينصحنى

عوض المهدى

abomourad

6 مشترك

المعهد الفنى الصحى :: الاقتراحات والشكاوى

محتاج حد يوجهنى وينصحنى 2011-08-19, 8:46 pm

انا كنت علمى رياضة ثانوى عام
جبت 87.7 فى المائة
الاهل الحو عليا ادخل معهد فنى صحى
بحثت عنة فى النت لقيت موقع لمعهد فنى
صحى المنصورة
لقيت انى ممكن ادخل قسم اجهزة طبية
روحت قدمت ورقى معهد فنى صحى اسماعيلية
عشان توزيع اقليمى وانا من اسماعيلية
بعد ما قدمت لقيت نفسى فى تسجيل طبى
عشان معهد اسماعيلية مش فية قسم صيانة اجهزة
قلت عادى هحول بور سعيد
العميد بتاع المعهد مش وافق مع انى مش حابب القسم خالص
قلت هستحمل السنتين دول
وبعد ما اتخرج اقدم فى بور سعيد
انا اتخرجت من تسجيل جبت فى اولى امتياز وتانية جيد جدا
روحت بور سعيد قالو مش ينفع
تاخد شهادتين من نفس الوزارة
ممكن تنحبس فيها
من سا عتها وانا حاسس انى ضايع
مع انى حابب قسم صيانة اجهزة وحاسس انى هفيد بية
فكرت اروح سنة كلية وارجع احول ليهم
طيب والتكليف بتاع تسجيل اقدم فية
ولا اية
ويعنى اية اتحبس عشان بتعلم
عاوز اتعلم وقانون اية اللى بقول كدا
انا بجد دماغى هتتفرتك من التفكير
انصحنى ارجوك
او راسلنى على ايميلى
وياريت لو رقم تليفونك
انا تليفونى
انا حاسس ان ليكى خبرة
فى المجال دة انصحنى ارجوك
وبسرعة قبل ما اتخذ تى قرار غلط

رد: محتاج حد يوجهنى وينصحنى 2011-08-20, 12:30 pm

اية يا مشرفين حد يرد علية انا هفضل اكلم فى نفسى

رد: محتاج حد يوجهنى وينصحنى 2011-08-20, 11:51 pm

يا عم المفروض حاجة زى كده تسأل فيها الجهات الحكومية المختصة
علشان هيا اللى هتفيدك أكتر

وتديلك المعلومة الصح

رد: محتاج حد يوجهنى وينصحنى 2011-08-21, 3:07 am

بيقولى لية هتتحبس لو عملتها

رد: محتاج حد يوجهنى وينصحنى 2011-08-21, 2:03 pm

اصل مينفعش تدخل مرتين المعهد اساسا وكده هيطلعلك مرتين امر تكليف انت من الاول كنت رفضت المعهد وتحول منه ده غلطتك فى الاول

رد: محتاج حد يوجهنى وينصحنى 2011-08-21, 2:04 pm

ارضى بقضاء ربنا[i]

رد: محتاج حد يوجهنى وينصحنى 2011-08-30, 5:50 pm

قدر الله وما شاء فعل

المشكله ان انت مش اتحركت من اول الموضوع

المهم دلوقتى

مش تحس انك ضايع ولا حاجه

بص الدنيا دلوقتى اتغيرت(على اساس بعد الثورة يعنى)
هههههههههههههههههههههههههههههه

ممكن لو روحت لاى حد مسؤل ممكن فى الظروف اللى احنا فيها يساعدوك

بس ده طبعا وانت مخلص التكليف وفى ايدك وظيفتك

وعصفور فى اليد خير من عشرة على الشجرة

ولو جت الاجهزة خير وبركه وان مش جت برده خير وبركه

والحمد لله على كل حال

د انا عملت المستحيل عشان ادخل شعبة الاجهزة والحمد لله دخلتها

(وده طبعا عشان السنه اللى فاتت كانت سنة فراغ مش عشان سواد عيونى)

بس انت بسط الامور ومش تصعبها

وطبعا مش انتهيت ولا حاجه

د انت لسه المستقبل ادامك

انت اللى تبنى مستقبلك

وده كان رايى (اذا تقبلته يعنى)

والله يوفقك للى فيه الخير ليك وللامه الاسلاميه كلها

رد: محتاج حد يوجهنى وينصحنى 2011-09-17, 10:16 pm

السلام عليكم ورحمة الله

الزميل العزيز..........

حاول تراجع الوزارة وتشوف هل ممكن انك تكمل بالطريقة اللي انت عاوزها

ولا لأة

.........................

من حقك تتدور علي الشيئ اللي انت بتحبه

لكن خلي بالك

كل لحظة بتضع من عمرك

انت أولي بيها

بالتوفيق