ارجوكم محتاجه الرد ضرورى

انا متشعبه فى قسم التسجيل الطبى... ممكن اعرف هل القسم كويس فى الشغل والشهاده؟؟؟؟ وهل له تكمله ؟؟؟؟..... وهل ينفع احول لقسم تانى حتى لو باب القبول فى الاقسام اتقفل ( اخدوا الاعداد المحدده ) ولا لازم يكون معايا واسطه ؟؟؟؟؟

من حيث الشغل فهو ككل اقسام المعهد بيتعين ان شاء الله بعد مدة قصيرة في مستشفى او مديرية صحة
و فني التسجيل دلوقتي بيشتغل معظم الوقت على كمبيوتر ومكتب يعني الى حد ما راحة
لكن نفس الشكوى من قلة المرتبات مع كل الفنين

وممكن تكملي تجارة بعد المعهد سواء تكملة بعد القسم او تدخلي تعليم مفتوح

من حيث التحويل بين الاقسام بيكون فيه تنبيه انه مش بينفع التحويل بين الاقسام بين الشعب بعد بدء الدراسة
لكن ممكن التحويل لما يكون فيه وسطة او حد من الاداريين بينقلك بس طبعا بياخد حلاوته

شكرااا اوووى اوووى لتعبك..... بس ممكن لو تقول لى مين ممكن ينقلنى لشعبه تانيه ( لو انا مش اعرف حد هناك) او واسطة ؟؟؟... واسفه لتعبك

ممكن حد من شئون الطلبة يكون كبير كده واصل يعني
الواسطة دي ممكن معرفة بمدير المعهد
معرفة بحد في شئون الطلبة
حد من الوزارة (موظف جامد كده)

" رتـــــــــــــــــــــبة "
يبقى زي ما يكون بقى داخلية جيش اي حاجة
هو يلبس الميري ويخش بسلاح
وان شاء الله هيتعين مدير المعهد
مش هينقلك بس
هههههههههه

ولا شكر على اي حاجة احنا زملة
وربنا يوفقك

هههههههههه.... شكرااا اوووى اوووى