السلام عليكم ورحمة الله وبركاته
تحياتى لكل أعضاء المنتدى وخاصة معهد
المنصورة وبالتحديد شعبة الاجهزة الطبية ياأحلى ناس وأفضل تخصص (( رأى شخصي ))
وياريت توصلوا سلامى للمهندس محمد لطفى ( أكتر مهندس ربنا كرمني بمعرفته ويارب
يكون بخير حال وله منى أرق التحيات وانا بحبه جدا والله ) والمهندسة منال ( أفضل
مهندسة إتناقشة معاها وعلى فكرة ذكية جدا ماشاء الله عليها وطيبة كانت دايما تحب
الولاد عن البنات وكانت تشد على البنات وعلشان كدا انا بحبها جدا , ولها منى كل
الاحترام والتقدير ) والمهندسة ماجدة الزامل ( مهندسة نشيطة ومجتهدة وطيبة وأتمنى
لها دوام النجاح والتوفيق ) ومدام سهير ومدام مشيرة ومدام أمينة كلهم ناس ممتازة
وربنا يكرمهم جميعا وياريتكم تستفيدوا منهم هما على فكرة بيحبوا المجتهدين ويارب
يوفقكم جميعا.
أعرفكم بنفسى بئا
انا ياشباب اسمى تامر عمارة والاسم الحركى هو
تيتــــــــــو طبعا انا من نجوم شعبة الاجهزة الطبية (( ههههههه دى حقيقة
والله مش مبالغة وتقدروا تقولوا انا شايف نفسى كدا واعتبروه رأى شخصى ومن حقنا
نحترم آراء بعض )) ماعلينا ... المهم انا خريج 2007 وطبعا احب اتواصل مع كل
الفنيين وأكيد هانفيد بعض كتيير..
·
بس ياريت رجاء اى حد يوصل سلامى
للمهندسين بجد فى معهد المنصورة شعبة الاجهزة الطبية وطبعا هايكون له هدية عظيمة
منى سواء كان ولد او بنت وانا مستنى اسمع ان فيه حد منكم اهتم ووصل لهم سلامى وعلى
فكرة حاولوا تهتموا بمكتبة المعهد وتهتموا كمان بالمنتديات الخاصة بالهندسة الطبية
وياريت دايما تعودوا نفسكم على زيارة المهندسين والشركات ومراكز الصيانة وصدقونى
لو حبيتوا مجالكم هاتتقدموا بسرعة جدا
اتمنى لكم التوفيق