المعهد الفنى الصحىدخول

منتدى المعهد الفنى الصحى |اشعة|معمل تحاليل|احصاء|صيانة|اسعاف|

منتدى المعهد الفنى الصحى يرحب بجميع الأعضاء فى غرفة الدردشة

descriptionبدون ايقونةانا من الدقهلية و عاوز ادخل معهد بورسعيد او الاسماعلية

more_horiz
السلام عليكم
كما هو واضح بالعنوان
انا من الدقهلية و طبعا كلنا عارفين ان معهد الدهلية بياخد مجموع كبيير يعتبر اكبر مجموع بين جميع المعاهد الصحية
المهم انا ملحقتوش على حاجات بسيطة هو جايب السنة دي 93
فانا عاوز اعرف ازاي احول لمعهد بورسعيد او الاسماعلية ! و ياريت لو حد حول قبل كدا يقول على الطريقة
كنت سمعت عن موضوع الاقامة دا بس مش عارف بيتعمل ازاي
و انا كنت كلمت المعهد و قالى ان بعد التنسيق ما بيخلص لو احتاجوا طلبة بيفتحوا باب التحويل امام الطلبة من خارج المحافظة بس الحركة دي مش مضمونة لان مش مضمون ان يكطون لسة فية اماكن
رجاء الافادة على وجة السرعة و كل سنة و انتم طيبين

الله المستعان
ملحوظة : انا كتبت الموضوع دا فى قسم معهد بورسعيد و رجاء عدم الحذف الان للاهمية بالنسبة لى

descriptionبدون ايقونةرد: انا من الدقهلية و عاوز ادخل معهد بورسعيد او الاسماعلية

more_horiz
بسم الله الرحمن الرحيم
يا مصري المعاهد الصحية حاليا اقليمية يعني بتاخد طلبة في نطاق المحافظات اللي فيها المعهد
فالتحويل بين المعاهد بيكون صعب شوية ، إلا لو فيه معهد نسبة العجز فيه تكون كبيرة فيقبل التحويلات
وان شاء الله يكون معهد بورسعيد أو الاسماعيلية محتاج طلبة فتحول ليه
فلو ربنا سهلك وحولت بتدخل المعهد والإقامة غالبا بتكون على نفقتك الخاصة لأن مفيش مساكن جامعية
فبتاخد مكان للسكن

ملحوظة ()
لو انت علمي علوم هتكون امامك فرص لدخول اكتر من شعبة في معهد الدقهلية
لأن فيه شعب مجموعها بيكون قليل زي التمريض والمعاونين و.....

descriptionبدون ايقونةرد: انا من الدقهلية و عاوز ادخل معهد بورسعيد او الاسماعلية

more_horiz
لكن لو هتحول اقامتك ممكن ، بس ده هيخلق مشكلة بعدين وهي التوزيع في الشغل
لأن ان شاء الله التوزيع هيكون في نطاق المعهد اللي بتدرس فيه
يعني مش الدقهلية
بس ممكن تنجح فكرة تغيير محل الأقامة لكن محتاجة سرعة في الإجراءات

تقديم الملف بيكون باليد لأن شئون الطلبة لازم يشفوك علشان لو فيه عيب خلقي ظاهر لا قدر الله في الطالب
بيرفضوا الملف عند التقديم ، قبل التحويل للكوميسيون الطبي

descriptionبدون ايقونةرد: انا من الدقهلية و عاوز ادخل معهد بورسعيد او الاسماعلية

more_horiz
بتغير محل الاقامه بتغيره فى البطاقه يعنى بتحاول تشوف حد تكون تعرفه ويكون تبعك وبتكتب محل الاقامه عنده وممكن تسأل عن الموضوع ده اكتر فى المكان الا انت بتستخرج منه البطاقه


وبالنسبه لموضوع التكليف الموضوع ده مش مشكله لانى فى التنسيق بتاع التكليف بتنزلك جميع الاماكن الصحيه الا فى الجمهوريه كلها وانت بتختار الا يريحك

descriptionبدون ايقونةرد: انا من الدقهلية و عاوز ادخل معهد بورسعيد او الاسماعلية

more_horiz
شكرا يا أيجى اب على الرد لكن انا اقصد الاوراق ! مش الاقامة الفعلية و التكاليف و الكلام دا
انا كنت كلمت المعهد بتاع بورسعيد كانوا قالوا انهم بيعملوا حصر بعد التنسيق و يشوفوا الاعداد و لو فى عجز بيفتحوا باب التحويل بس معرفتش ان كان بيفتحوا باب التحويل لبتوع المحافظة بس ولا لكل الناس !
و بالنسبة للتحويل الورقى دا ! لو انا غيرت محل الاقامة هتقبل ولا لا ؟ لان شهادة الثانوية العامة من هنا من المنصورة !
فهما بياخدوا بمحل الاقامة ولا شهادة الثانوية العامة ؟
يعنى موضوع الاقامة دا مضمون ولا ممكن بعد ما اغير الاقامة يقولوا لا انت شهادة الثانوية العامة مش من بورسعيد ؟؟؟
ياريت لو حد عمل موضوع الاقامة دا يقول عمل اية بالظبط ! شكرا

descriptionبدون ايقونةرد: انا من الدقهلية و عاوز ادخل معهد بورسعيد او الاسماعلية

more_horiz
شكرا ميدو 77 على الرد
بس هو موضوع الاقامة دا مضمون ؟؟؟
يعنى التقديم للمعهد على حسب المكان اللى انت عايش فية ولا على حسب مكان شهادة الثانوية العامة ؟
و انا جايب 89 ! و معهد بورسعيد دا بياخد من مجموع قليل اوي بتاع 75 و لا حاجة ! فانا مجموعى معدية من بدري يعنى !
و معهد الاسماعلية لسة هينزل مرحلة تالتة !
فانا ممكن اروح اغير الاقامة دلوقتى و اقدم عادي ؟؟ ولا اية ! ياريت توضيح

descriptionبدون ايقونةرد: انا من الدقهلية و عاوز ادخل معهد بورسعيد او الاسماعلية

more_horiz
مصري :
أظن انهم بياخدوا بمحل الأقامة مش شهادة الثانوية العامة
لأن انا معايا في شعبتي زميلة كانت في الخارج مغتربة
ولما رجعت رجعت الغربية فدخلت معهد طنطا
فأظن ان الاقامة هي الفيصل مش جهة صدور شهادة الثانوية
وربنا يوفقك

cheers

descriptionبدون ايقونةرد: انا من الدقهلية و عاوز ادخل معهد بورسعيد او الاسماعلية

more_horiz
السلام عليكم ورحمه الله
انا من المنصوره ودبلوم فني نظام الثلاث سنوات وجايب 88.5 ونفسي لادخل معهد الفني الصحي بس التنسيق جايب المنضوره وانتو عرفين انه بيبقي مجموعه عالي جدا ياريت حد يقولي اعمل ايه ان كان في بورسعيد او الاسماعليه وجزاكم الله خير
ارجو منكم الرد باقصي سرعه لان الوقت بيعدي وشكرا
صلاحيات هذا المنتدى:
لاتستطيع الرد على المواضيع في هذا المنتدى