المعهد الفنى الصحىدخول

منتدى المعهد الفنى الصحى |اشعة|معمل تحاليل|احصاء|صيانة|اسعاف|

منتدى المعهد الفنى الصحى يرحب بجميع الأعضاء فى غرفة الدردشة

descriptionبدون ايقونةقوانين التكليف "علشان ما حدش يضحك علينا "

more_horiz
مبدئيا الموضوع منقول من جروب على الفيس بوك
مساء الخير اخوانا بتوع الجروب الموضوع
ده هنوضح فيه بعض النقاط اللى قد تكون غايبه عن حد مننا هى قوانين بتنظم
العمل عشان ميجيش مدير اداره يعمل مفتح ويشتغلك لازم تكون عارف حقوقك كويس
والموضوع ده بالتعاون مع الدكتور ايهاب حلمى الخبير القانونى بتاعنا فى
فارسكور
اولا مفيش حاجه اسمها انهاء خدمه فى التكليف واحد يطلع يقولى
يعنى ايه اقولك يسيدى الطبيعى ان اى موظف ينقطع عن العمل خمس ايام يعنى
ميرحش الشغل يبعتوله انذار اول وتانى خمس ايام انذار تانى وبعد خمس ايام
كمان لو مجاش قدم اجازه او عذر يعرض على لجنه لفصله فى التكليف باه
لااااااااا مينفعش تتفصل يعنى لو غبت 15 يوم من غير عذر كبيرهم هيحولوك
للشؤن القانونيه وتاخدلك يومين جزا ولا حاجه فاى حد مدير ادارته قارفه
ممكن يعمل كده

ثانيا الجزاءات اللى عليك بتقدم طلب محو فى خلال 6
شهور وبتتشال يعنى كل اللى هتاثر بيه انها خصم من المرتب وخلاص بس خلى
بالك لو ليك نيابه لازم يكون تقريرك السرى مش اقل من 90 فى الميه عشان
تحضر على حساب الحكومه والتقرير ده بيتحط فى شهر 12 وممكن تتظلم عليه بعد
علمك بيه

ثالثا لو عندك مدير اداره رخم ومغتت عليك تقوم باعت
تلغراف للوحده اللى انت شغال فيها انك مريض وبعدكده المفروض هيعملولك عرض
على لجنه طبيه تقوم انت تشتكى من اى حاجه مش هتظهر زى الم فى اسفل الضهر
انزلاق اى حاجه من الحاجات دى ياما عادى كان عندى اى حاجه وفى حاله عدم
موافقه الكومسيون على الاجازه هتاخد برضه يويمن جزا وخصم وترجع لاول نقطه
وممكن تبلغ عدد غير محدود من الاجازات المرضى وتشتغله فى الازرق

رابعا
لو ليك تحقيق وعارف طبعا ان بتوع الشؤن بيجاملوا سياده المدير من حقك ترفض
التحقيق وتحويله للنيابه الاداريه لانك لديم اقوال سريه لن تقولها الا
امام النيابه وطبعا هما مبيحبوش يروحوا النيابه فبكده تضربلهم التحقيق
بتاعهم ولو ر حت النيابه مش هتاخد حاجه لانهم بيتعاطفوا مع الدكاتره
ههههههه



أولا لا ينوب عن طبيب إلا طبيب مثله
و لا ينوب عن ممرضه إلا ممرضه مثلها

ماينفعش
مدير الإدارة يوكل ممرضه بالنيابة عنه إلا إذا كان هو في قرارة نفسه عارف
أنه زيه زي الممرضه اللي باعتها و بكده يا حلو يبقى برضه الممرضة ماتشطبش
على الطبيب لو أنطبقت السما على الأرض
يعني نفترض مثلا إن مدير الإدارة بعت لكم في يوم عامل من الإدارة يتمم على الأطباء يبقى من حقه أنه يشطب ... يا صلاة النبي
لا
و اللي يفطس من الضحك كمان إن فيه وحدات بينزل فيها بتوع المجلس المحلي
بيشطبوا في الدفتر ههههههههههه أهو ده اللي ناقص و بتوع المجلس المحلي دول
أصلا ممكن يكونوا عمال أو ماعهمش شهادات أو دبلومات و تخيل أنت بقى

ممنوع
منعا باتا أي حد يشطب على الطبيب إلا طبيب ...... لو مدير الإدارة بعت
ممرضه تفتش ممنوع تشطب في الدفتر نهائي على الأطباء . كون مدير الإدارة
عملها نيابة عنه فده مش معناه إنه أداها بكالوريوس الطب و الجراحة

لو
ممرضة شطبت على الطبيب من حق الطبيب رفع شكوى مباشرة للجهات الأعلى بعيد
عن الإدارة تماما و يشتكي فيها اللي شطب و مدير الإدارة كمان .
اللي بينوب عن حد لازم يكون في نفس مستواه العلمي



كل الوحدات و مستشفيات التكامل سيتم تقييمها طبقا للقرار 75 و ماتسألونيش ليه 75 و مش 73 لأن دي أمور ماتهمناش الوقتي

القرار ده بيقول أيه أنا أقولكم اللي يهمنا منه

بيقولك
بالنسبة للتقييم فإن تقييم الوحدة يتم توزيعه على الطبيب الأول و الثاني
فقط " طبيبين فقط من الوحدة " أما بالنسبة لمستشفى التكامل فالتقييم
بياخده 6 أطباء

الطبيب الثالث و الرابع و العاشر في الوحدة مالوش
تقييم و بالتالي حضوره الرسمي من الساعة 8 صباحا و حتى الساعة 2 ظهرا و
تقول سلامو عليكم و ليس لك أي نوبتجية و لا بتاع و نفس الكلام في المستشفى
للأطباء اللي خارج التقييم

خلو باكم من اللي جاي ده بقى

أي حد سواء طبيب أول أو ثاني هاياخد نبتجية له حاجه أسمها بدل نبوتجية و دي خارج موضوع التقييم ده تماما و مالهاش دعوة بيه

اللي بيبات في الوحدة يطالب ببدل نبتجياته لأن فيه إدارات بتستغفل الأطباء و تقولهم كفاية عليكم التقييم و ده مش قانوني

لو
مدير الإدارة قالك انت تيجي تبات في الوحدة لمدة أسبوعين و تروح يوم
الخميس بالليل و ترجع يوم الجمعة بالليل كل أسبوعين أعملوا معاه زي أنا ما
عملت " طرقعولوه على طول " و ماتسكتوش

القانون بيقولك يا باشا أنت
ليك كل يوم 6 ساعات عمل و لو أخذت نوبتجية 24 ساعة فمن حقك راحة 48 ساعة
بعدها . و ده مش أنا اللي باقوله ده قانون و معروف

و لو مدير الإدارة قالك أهو مكتوب الوحدة تتغطى 24 ساعة قوله ده مش معناه إنك هاتقعد أسبوعين في الوحدة .
و يعني بالعقل كده هما هايستعبدونا بال 320 جنيه دول ؟!!!
تعالو نحسبها كده لو أنت اشتغلت 28 يوم في الشهر و قعدتهم كلهم في الوحدة على مزاج مدير الإدارة يا ترى الساعة هاتقف عليك بكام؟

سهلة تعالى نحسبها مع بعض
اليوم فيه 24 ساعة و أنت هاتقعد 28 يوم متواصلة المفروض يعني 672 ساعة ف الشهر
يعني الساعة تقف علينا بحوالي 48 قرش يعني أقل من نص جنيه ههههههه
ده لو أنت جبت سباك و لا نجار و لا عامل نظافة لمدة ساعتين عندك مش هاياخد أقل من 30 جنيه

مافيش حاجه خالص أسمها دفتر الحضور و الانصراف عهدة الكاتب
الدفتر
ده مسؤلية مدير الوحدة " الطبيب الأول " و هو الوحيد في الوحدة اللي من
حقه إنه يشطب على اللي مايجيش و زوقيا المفروض مايشطبش على زمايله

و لكن

الطبيب الأول فعلا مسؤلياته كبيرة جدا فممكن يوكل الدفتر لأي حد من زملاءه الأطباء و ليس التمريض و لا الكاتب

لو انت الطبيب الأول أطلب الدفتر من الكاتب و خليه عندك

الكاتب وظيفته يكتب شهادات الميلاد و الوفاه و يقطع التذاكر

التشطيب ده مش من وظيفته

لو
شطب عليك روح قوله مين اللي شطب هو طبعا مش هايكون عنده الجرأه إنه يقولك
إن هو اللي شطب هايقولك الطبيب الأول اللي شطب بكل بساطة طلع قلمك الباركر
و شطب باقي الأسبوع على الطبيب الأول و اللي يحصل يحصل طبعا مدير الإدارة
جايز يبعت لك خوش فيه شمال و قوله هو بيشطب عليا ليه أنا زيي زيه و بس



بالنسبة لحضرتك لو غبت 3 أيام متواصلة هايتخصم منك نص الحافز

و لو غبت 7 ايام في الشهر هايتخصم كله

أما التقييم و ده اللي عايز أنا أوضحه

التقييم بيجي على المستشفى و مالوش دعوة بغيابك و لا حضورك
يعني أيه

يعني
مثلا يقولوا المستشفى دي تقييمها الشهر ده 200 % ده معناه مباشرة يتم صرف
حافز 200 % للأطباء الست الأوائل بالمستشفى و ده مالوش أي دعوه بالحافز
اللي بنقبضه مع الراتب يعني التقييم ده حاجة لواحدها و ماتخليش حد يضحك
عليك و يقولك أنت كنت غايب أو كنت مزوغ أو متشطب عليك .... التقييم ده زي
ماقولت تقييم للوحدة أو المستشفى كلها و ليس تقييم للأفراد
و بالتأكيد
أنت روحت أو حتى لو ماكنتش بتروح خالص و بتروح على القبض فمن حقك مادمت من
الأطباء ال 6 الأوائل في المستشفى أنك تاخد تقييمك

اللي بيصرف التقييم طبقا للقرار 75 هما كالتالي

5. يكون الحد الأقصى للفئات بوحدات الرعاية الأساسية المستفيدة من هذه اللائحة على النحو التالى :
أ. عدد ( 2 ) طبيب للوحدة الريفية و المجموعة الصحية .
ب. عدد ( 6 ) أطباء بمراكز رعاية الأمومة والطفولة ، و المراكز الحضرية ، الرعاية الأساسية بمستشفيات التكامل بجميع المحافظات .
ت. عدد ( 10) أطباء بالمراكز الصحية فى محافظات القاهرة ، الجيزة ، الأسكندرية .
ث. عدد ( 3 ) أخصائى و مساعد أخصائى بوحدات ومراكز الرعاية الأساسية و مستشفيات التكامل بجميع المحافظات .
ج. عدد ( 2 ) طبيب أسنان لكل وحدة صحية أو مركز رعاية أمومة وطفولة أو مركز صحى حضرى أو مستشفى تكامل .
ح. عدد صيدلى واحد لكل وحدة صحية أو مركز رعاية أمومة وطفولة أو مركز صحى حضرى أو مستشفى تكامل .
خ. عدد ( 8 ) ممرضات للوحدة الريفية وعدد (15) ممرضة للمركز

.................................

بالنسبة للحافز هو كان 25 % و الوقتي بقى 75% بعد ما تم إضافة المحليات
و
الحافز ده المفروض مالوش دعوة بالتقييم . يعني المفروض انت تقبض مرتبك +
العلاوة ال 30% + الحوافز ال 75% و بعد كده لما يجي التقييم تاخده
و
الحوافز ملهاش وقت ثابت بمعنى أنهم بيعملوها لواحدها من غير المرتب و
المفروض أنك تسأل عنها في المديرية يعني تقولهم حافز شهر 3 نزل؟ طيب حافز
4 و هكذا

بالنسبة لل 48 % بتاعت صندوق تحسين الخدمة فدي مش للطبيب
الأول بس ... القرار 75 بيقول أنها بتتوزع على كل من شارك في العملية
الطبية مع مراعاة الجهد الذي يبذله كل فرد يعني لو حضرتك بتكشف على
الحالات يبقى لك نسبة كمان بيدخل معاك فيها الكاتب و الممرضات
على فكره القرار 75 تقدر تنزله من الرابط التالي



التكليف - قوانين التكليف "علشان ما حدش يضحك علينا " Follow-The-Rules

descriptionبدون ايقونةرد: قوانين التكليف "علشان ما حدش يضحك علينا "

more_horiz
فعلا جميل يا Uoroo


[التكليف - قوانين التكليف "علشان ما حدش يضحك علينا " Ebq

descriptionبدون ايقونةرد: قوانين التكليف "علشان ما حدش يضحك علينا "

more_horiz
ايه اللى يهمنا كفنيين؟

يعنى مثلاُ جه وحدتى مفتش مالى وإدارى وشطب عليا يومين كنت غايبهم أعمله ايه ده؟

descriptionبدون ايقونةرد: قوانين التكليف "علشان ما حدش يضحك علينا "

more_horiz
الراجل الطيب اللى هوه المفتش هيحولك للشئون القانونيه
وبعدين انت هتكون مجهز اجازة يا اما اعتيادى يا عارضة
اعتيادى طبعا مش هتنفع
هتاخده معاك ولما يجيلك جواب للتحقيق بالمديرية تديها للى بيحقق معاك وتقوله انك كنت تعبان


التكليف - قوانين التكليف "علشان ما حدش يضحك علينا " Follow-The-Rules

descriptionبدون ايقونةرد: قوانين التكليف "علشان ما حدش يضحك علينا "

more_horiz
تسلم ايديك
وربنا يستر علينا لما نتوظف
وربنا يكون فى عون الموظفين
صلاحيات هذا المنتدى:
لاتستطيع الرد على المواضيع في هذا المنتدى