المعهد الفنى الصحى
منتدى المعهد الفنى الصحى
اهلا وسهلا بك زائرنا الكريم
منتدى المعهد الفنى الصحى يرحب بك أجمل ترحيب
ونتمنى لك وقتاً سعيداً مليئاً بالحب كما يحبه الله ويرضاه
فأهلاً بك في هذا المنتدى المبارك إن شاء الله
ونرجوا أن تفيد وتستفيد منا
وشكراً لتعطيرك المنتدى بباقتك الرائعة من مشاركات مستقبلية
لك منا أجمل المنى وأزكى التحيات والمحبة


منتدى المعهد الفنى الصحى |اشعة|معمل تحاليل|احصاء|صيانة|اسعاف|
 
الرئيسيةالرئيسية  اليوميةاليومية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  
منتدى المعهد الفنى الصحى يرحب بجميع الأعضاء فى غرفة الدردشة
المواضيع الأكثر نشاطاً
لعبــــة ممتعــــة
لعبــــة ممتعــــة
جاوب و حط سؤال - الغاز اسلامية
لو عندك مشكله فى التكليف اتفضل معانا
كرسي الاعتراف
سجل حضورك بذكر الله
ما هى نكتة اليوم ؟؟؟!!!
حكمة اليوم ,,,,,,,,,,,,,,,
حط مبلغ والي بعدك يا تري هيشتري بيه ايه؟؟؟
الاشعة السينية
بحـث
 
 

نتائج البحث
 
Rechercher بحث متقدم
تصويت
هل اعجبك التصميم الجديد
# ممتاز .
62%
 62% [ 57 ]
# مقبول .
15%
 15% [ 14 ]
# سيء .
23%
 23% [ 21 ]
مجموع عدد الأصوات : 92
المواضيع الأكثر شعبية
لو عندك مشكله فى التكليف اتفضل معانا
كل ما تريد ان تعرفه عن المعهد الصحى
المعهد الفنى الصحى بأسيوط
نتيجة تكليف المعهد الفنى الصحى ظهرت اخيرا
معهد الفنى الصحى بالاسكندريه
ااااخر اخبار التكليف
جاوب و حط سؤال - الغاز اسلامية
ما هى نكتة اليوم ؟؟؟!!!
إختصارات أسماء التحاليل الأنجليزية مهم جدا
رسائل تعبر عن الحب ورمانسيه
المواضيع الأخيرة
» لعبــــة ممتعــــة
2016-06-12, 11:39 am من طرف Uoroo

» فجر يوم جديد
2015-10-16, 11:26 pm من طرف dosa

» رجاء مساعده
2015-06-09, 1:25 pm من طرف miladmaher

» مطلوب فنى اشعة حديث التحرج
2015-05-30, 3:55 pm من طرف تغريد حمدى

» المعهد اصبح اربع سنوات
2015-05-25, 10:02 am من طرف ESSAM 2125

» اقتراح ارجو القراءه
2015-05-18, 9:48 am من طرف shahdshosho

» فني خدمات العاملين بالمستشفيات
2015-05-16, 1:16 pm من طرف Masoudali

» الاجهزه الطبيه
2015-05-10, 5:09 pm من طرف عبده العش

» مطلوب فنيين أجهزة طبية للعمل
2015-02-19, 11:45 am من طرف kady.87@hotmail.com

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
سحابة الكلمات الدلالية
نتيجه التمريض الفنى معهد تكليف 2011 بالمعهد الامتحانات نتيجة 2012 امتحانات للمعهد النتيجة الفرقه الثانيه الفني جدول شعبه المعهد تسجيل التكليف الصحى تمريض شعبة الصحي الفرقة
أفضل 10 أعضاء في هذا الأسبوع
أفضل 10 أعضاء في هذا الشهر
أفضل 10 أعضاء في هذا المنتدى
اسلام منصور محمد مصطفى
 
عوض المهدى
 
mahmoud_hossein
 
garhelhabib
 
معتز قطب الرجال
 
ميلاد
 
سندريلا
 
القرصان
 
baby girl
 
dosa
 

شاطر | 
 

 ماتحرقوش الكنايس..احرقوا المسيحيين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميلاد
 
 


عدد المساهمات : 584
تاريخ التسجيل : 09/07/2010
العمر : 25
الموقع : البحيرة

مُساهمةموضوع: ماتحرقوش الكنايس..احرقوا المسيحيين   2011-03-11, 1:07 am

ده مقال حازم وصريح وواضح زى الشمس بقلم محمد الطنانى

ده اللينك بتاع المقال
[ندعوك للتسجيل في المنتدى أو التعريف بنفسك لمعاينة هذا الرابط]

وده المقال
ماتحرقوش الكنايس..احرقوا المسيحيين

احنا لسة هنولع في كنايس يا جدعان..ماتصلوا عالنبي وتعالوا نولع في المسيحيين نفسهم!

زي ما عملنا في البهائيين كدة..ما الاتنين كفرة حلال فيهم الحرق!

انا عايز أعرف..هي الناس دي عايزة ايه؟..ماينفعش اقول المسلمين عشان مايبقاش تعميم ولكن كمان ماينفعش اقول انهم قلة مندسة لا تمثل الاسلام الصحيح وهو البق الحمضان اللي بقينا نقوله دايما في المواقف اللي زي دي

نرجع تاني للأخوة بتوع الولعة ونقول..هي الناس دي عايزة ايه؟؟

مش عايزين بهائيين وبيولعوا فيهم

مش عايزين مسيحيين وبيولعوا فيهم

مش عايزين شيعة وبيولعوا فيهم

مش عايزين ملحدين ولو عرفوا مكانهم هيولعوا فيهم برضو

امال انتم عايزين مين؟؟

مسلمين بس..لأ ومسلمين سنة كمان..لأ وكمان مسلمين عمرو خالد ومعز مسعود بلاش..احنا عايزين مسلمين حسان والحويني ويعقوب..

طيب يا حبيبي اصبر..في الجنة ان شاء الله الكلام ده

اصبر تنول..في الاخرة ربنا هيولع في كل دول وهيسيبك تعيش لوحدك في الجنة!

خلاص اصبر بقى ان الله مع الصابرين..

استنى الاخرة وسيبلنا الدنيا!

سيبلنا الدنيا نعيش فيها بنضافة

نعيش فيها اخوات

نعيش كبني ادمين قبل ما تفرقنا بالديانة

نعيش وعقيدتنا مصر قبل ما تفرقنا بعقيدتك!

وطبعاً هيطلع ناس يقولولي”زي كل مصيبة وجريمة جديدة”..دي مؤامرة..أيادي خارجية..ده شغل أمن الدولة..

أنا معاكم أكيد أمن الدولة متورط..

بس عشان يتورط لازم يلاقي زباين..مش كدة ولا ايه؟

والزباين على قفا مين يشيل..فيه متطرفين ومجرمين وحثالة كتير انهم يبقوا زباين أمن الدولة ويبقوا وقود الفتنة

وقود الفتنة مش هما اللي بيقولولكم فوقوا بقى قبل فوات الأوان..

مش هما اللي بيقولوا كلمة حق في وقت مابيتكلمش فيه غير الظلم!

مش كاتب المقالة دي زي ما باسمع في بعض التعليقات في المقالات اللي فاتت..وقود الفتنة هو اللي ماكتبش وماتكلمش وسكت وبقى شيطان أخرس!

الساكت عن الحق شيطان أخرس يا مسلم..الكلام ده كان في دينك لو فاكر!

والجديد انك بقيت شيطان أخرس وأحول كمان!

ليه بقى..مانتاش شايف الظلم والذل اللي اخواتك المسيحيين فيه؟؟..مش شايف التمييز اللي بينك وبينهم في كل المناصب من أصغر منصب لرئيس الجمهورية؟..مش شايف التمييز اللي بينك وبينهم في حرية العقيدة والتعبد..ولا الكنايس اللي بتتهد وتتحرق دي فقرات في الكاميرا الخفية الدينية؟؟..مش شايف شتيمة دينهم وكتابهم المقدس وإلههم على الهواء في برامج شيخك المفضل؟؟..مش شايف كل ده يا أخي بذمتك ودينك؟؟

أو شايفه وساكت وبتستعبط وتقول كلام اهطل من عينة ماتشعلوش الفتنة..حرام عليكم كلامكم ده اللي بيولعها

يا سبحان الله..تبقى الكنيسة لسة والعة وكلامنا هو اللي بيولع!

تبقى أجساد بشر زيك لسة والعة وكلامنا هو اللي بيولع!

يبقى فيه بهايم كتير عندها استعداد تولع في الناس وكنايسها تاني وكلامنا هو اللي بيولع!

ماتسمعوش كلام السذج واللي اتعودوا على الذل ومابقوش قادرين يستغنوا عنه!..بتوع أنا أسف يا مبارك وأسف يا شفيق وأسف يا أمن الدولة!..دلوقتي هيقولوا أنا أسف يا فتنة..أسف يا تطرف..مش هنتكلم..مش هنقول كلمة حق..هنسكت عشان مانعملش فتنة..مانعملش فتنة بس نعمل بلوة!..نقتل اخواتنا ونولع فيهم..بس ماتفتحش بقك عشان ماتعملش فتنة..الفتنة أشد من القتل يا أخي..يعني القتل حاجة بسيطة بقى وماتدقش..اسكت!

يالا اقضوا على امن الدولة..اقضوا عالمؤامرات..اقضوا عالفتن..بس من جواكم!

لما تقضوا عالتطرف اللي جواكم

الكراهية اللي جواكم

هي دي اللي بيستغلها امن الدولة عشان يشعل الفتن

بطلوا توردوا لأمن الدولة بضاعة قذرة!

البضاعة القذرة هي التطرف..

هي كراهية المسيحي والبهائي واليهودي والملحد!

هي حتى كراهية المسلم اللي زيك ولو كان علماني أو صوفي أو شيعي!

هي دي المؤامرة اللي انتوا بتديروها بكفاءة بقالكم سنين طويلة!

للأسف فيه مسلمين لسة فاكرين انهم عايشين في عصر المسيحي فيه هو أمانة في إيد المسلم..تابع ليه..المسلم بيتفضل عليه بالحماية بشرط ان المسيحي يعيش كنص بني أدم و ربع مواطن وكمان يقول للمسلم ألف شكر يا باشا وكتر خيرك انك ماقتلتنيش أول امبارح!

وفيه مسيحيين ساكتين وتكيفوا مع الوضع ده وسلموا أمرهم لله وسابوا الدنيا للي بيظلمهم على أمل العدل في الأخرة..

بس المسيحي الساكت لازم يتكلم ويقف جنب أخوه اللي بيحارب عشان ياخد حقوقهم هما الاتنين!

لازم يقول للمسلم المتطرف في عينيه: الزم حدودك وأقف مكانك..أنا مش في ذمتك أنا مواطن زيي زيك..أنا مش بهيمة إنت مسئول عنها وبتتعطف عليا بكدة..انت مالكش عليا أي مسئوليات لأني مواطن مسئول زيي زيك..ليك اللي ليا وعليك اللي عليا..أنا خلاص مواطن حر مش ملزم أدفعلك جزية ولا أنت ملزم تدفعلي إتاوة!..أنا من حقي أحكمك زي ما أنت من حقك تحكمني!..أنا من حقي أصلي زي ما أنت من حقك تصلي!

وزي ما فيه مسلمين متطرفين أكيد فيه مسلمين معتدلين..والحل مش اننا في كل مرة نقول الاسلام مش كدة..مش كل المسلمين كدة..والنبي احنا بنحبكم..عارفين..والنبي عارفين..بس ده مش وقت كلام..ده وقت فعل..طالبوا بحل عادل..ضمان يحميكم ويحمي بلادكم من الفتنة اللي بتشيّلوها كل بلاوينا!..الضمان موجود في كل دول العالم المحترمة..ولا انتوا فاكرين المواطن في الغرب بيتولد وهو معاه تطعيم ضد الفتن؟؟..أكيد لأ..أكيد فيه ضعاف نفوس هناك..فيه متطرفين وكارهين ومجرمين زي اللي عندنا دول..طيب ايه الفرق اللي بيننا وبينهم؟..حاجة واحدة بس..القانون!

لو عندنا قانون صارم وحازم يجرم مثيري الفتن ويعاقبهم بعدما يتحاكموا بتهمة الخيانة العظمى يبقى مش هتلاقي فتنة تاني يوم الصبح!..ابقى وريني الراجل اللي هينزل يولع في كنيسة أو يقتل حد عشان دينه مش على مزاج اللي خلفوه!..اعملوا عقوبة رادعة تعادل عقوبة الخيانة العظمى وهى الاعدام..وساعتها مفيش كلب هيفكر يهوب ناحية وحدة البلد دي ويقسمها مسلم ومسيحي!..قانون رادع يا ناس احنا مش هنخترع العجلة!..الغرب ماهواش احسن منا عشان عينيه ملونة ولا عشان السما عندهم بتمطر أخلاق!..الغرب أحسن مننا عشان عنده قانون واضح صارم حازم..بيحترم يعني ايه حقوق انسان ومواطنة وعدالة ومساواة..طبق القانون ولو لمرة في البلد دي ومش هنندم!..طبقنا الأغاني والأحضان والبوس كتير..العواطف مكانها أوض النوم مش في قضايا الأمن القومي!..فوقوا بقى..

قانون واحد..يعني المسلم=المسيحي=البهائي=اليهودي=الملحد=المصري..هو ده القانون..مفيش تمييز بين عقيدة والتانية..بين ذكر وأنثى..الكل سواسية..ايه الصعب في كدة؟؟..وايه الوحش في كدة ومانعكم عن تنفيذه؟؟..ايه الوحش في العدالة والمساواة فهموني؟؟

يا تعملوا قانون بجد ونبقى دولة مدنية بجد يا تحرقوهم!

احرقوا المسيحيين وغير المسلمين كلهم..

قولولنا هو ده القانون الجديد..قانون الغاب وخلاص وودعوا انسانيتكم رسميا زي ما انتوا مودعينها بقالكم سنين!

كفاية عبث..كفاية!..قولوا انتوا عايزين ايه وخلصونا!

خلاص بقينا نعيش في عبث مابينتهيش..واحد أهطل فاكر نفسه اله على الأرض وكل البشر المختلفين عنه مخلوقات درجة تانية ماينفعش يتساوى بيهم..واحد ذليل كل شوية ياخد على قفاه ويستنى القفا التاني وهو خايف يفتح بقه ويقول كفاية!

والنهاردة لما يزيد العبث تفاجيء ان الشيخ اللي كان أمن الدولة بيخليه يشتم في المسيحيين ويشعل الفتنة في برامجه ودروسه ويسميهم عباد الصليب ييجي اليوم اللي أمن الدولة برضو يطلبوا منه أنه يروح بنفسه عشان يهدي المسلمين وينهي الفتنة الطائفية!

أما قمة العبث بقى فهي انك تسب وتلعن وتكره وتقتل وتسفك الدماء أنهارا بسم إلهك..وبعدين تروح تصلي وانت بتقول بكل برود بسم الله الرحمن الرحيم!!


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسلام منصور محمد مصطفى
 
 


عدد المساهمات : 2859
تاريخ التسجيل : 07/04/2010
العمر : 26
الموقع : اسيوط

مُساهمةموضوع: رد: ماتحرقوش الكنايس..احرقوا المسيحيين   2011-03-13, 4:17 pm

ده فتنة وانشاء الله مصر قادرة تعديها انشاء الله للاحسن


[[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zain_el_din
 
 


عدد المساهمات : 83
تاريخ التسجيل : 27/01/2011
العمر : 24

مُساهمةموضوع: رد: ماتحرقوش الكنايس..احرقوا المسيحيين   2011-03-13, 11:57 pm

رد برضه حازم وصريح

بس انا اللينك بتاعه
[ندعوك للتسجيل في المنتدى أو التعريف بنفسك لمعاينة هذا الرابط]

يوم مقلت كلنا اقباط مكنش قصدي اعرفك انا كان قصدي تصدقها وتعرف اننا عارفينها
انا عارف اني لو رجعت بشجرة عيلتي هلاقي ليه ولكل مصري جدود اقباط مسيحيين زي ما احنا اقباط مسلمين ومسيحيين
لما الكنيسه اتفجرت في اسكندريه انا اتوجعت
كان صاحبي محمود ممرض تبع مستشفي الالماني وراح مع الاسعاف والدكتور محمد بيحكولي ودموعهم فعنيهم

يوم الثوره قلت لمينا وابانوب وبيشوي ايه رايكوا قالوا طالعين بس في الكنيسه مش راضيين
قلتلهم وانتوا قالوا احنا كده....كده ....طالعين

ولعنا شموع وشاركنا فقداس وحضرت عزاء ولعبت مع ناس كان منهم جرجس ومينا وعماد
ولا الا قصة عماد اصلك متعرفش مين اخو عماد ..............احمد
متستغربش .....بس لو كنت شفت علاقتهم...كنت مت من الاستغراب
صاحبتهم سنه ...رايح جاي معاهم
ويوم 23 يناير مش هنسي اليوم ده
ماشي جنب احمد ووطني(دا واحد صاحبنا..)
والاقي احمد بيقول العيد قرب
وانا اقول عيد ايه....؟
الاقي احمد يقولي ايه ......انت نايم 7 يناير قرب
قلتله وانت مالك..........!!
قلي ازاي دا عيد عماد....!
وعماد ماله.....!
قال ...انت متعرفش ........عماد مسيحي
بقالي سنه اجيب احمد من بيت عماد وعماد من بيت احمد ........بقالي سنه رايح جاي معاهم بقالي سنه نمشي ونفطر مع بعض
اني اعرف ان عماد مسيحي ...........ابدا!!!!؟
الا قلي هو كل اللي وقفوا في ماسبيرو كانوا كلهم مسيحيين......!؟
متزعلش مني لو في شيخ قال عليكوا في جامع او قناة فضائيه انكوا كفرة....؟
اظن دا اقل من اللي بيتقال علينا كتير في قنواتكوا وكنايسكوا
............!!!!!!!او كنايس اسكندريه(aghapy) زي قناة
يعني ده مكفول للجميع مادام حوار ديني بس في الاخر كلنا مصريين والدين لله والوطن للجميع
ويوم مهجنا علي البهائيين دا عشان احنا كمصريين سماويين ومنقبلش غير كده
انا بشتغل مع فادي جرجس وشريف حنا وهاني بطرس....
ومعايا محمود ومحمد واحمد
كلنا بنشتغل في 40متر (حجم الصيدليه عشان بالمره لوعزت حاجه من الصيدليات.....؟)
اكلنا مع بعض.... وشغلنا مع بعض .....وهزارنا وجدنا مع بعض
انا مع انك تتمتع بحريه في بناء الكنائس بس اسمحلي دا مش مفتوح كدا لازم يكون في عدد يعمر الكنائس دي
مقصدش ابدا انكوا شويه او مش محتاجين كنائس....!
انا اقصد زي ما بناخد تصريح موافقه يكون ليكوا انتوا كمان مبني علي اساس العدد الموجود من المسيحيين والمنطقه (المكان يعني)والمساحه المناسبه زينا بالظبط
وللي ميعرفش لازم عشان الجامع يتبني ياخد موافقه علي الحاجات دي
يعني انتوا اكيد طبعا ليكوا حق بس صدقني احنا ماجرناش عليكوا كل المصريين شايفيين فيكوا جدودهم وشايفينكوا اخواتهم
ودا كان مقصود عشان يفرقونا عن بعض اهدوا .....اهدوا اوعوا تنسوا اننا اخواتكوا.....!!!!
وفي النهايه
حبني يا مسيحي انا اخوك
دنا وانت دم واحد واسال ابويا وابوك
ولو انفجرت قنبله مش هتفرق بين اخويا واخوك
انا معرفت يعني ايه مسلم ومسيحي غيرلما
قالولي وقالولك ابعد عنهم دول مش بيحبوك
zain el-din
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميلاد
 
 


عدد المساهمات : 584
تاريخ التسجيل : 09/07/2010
العمر : 25
الموقع : البحيرة

مُساهمةموضوع: رد: ماتحرقوش الكنايس..احرقوا المسيحيين   2011-03-14, 1:31 am

كلام فى منتهى الجمال
وانا بحترم ارائك جدا يازين الدين فعلا اسم على مسمى

بس لى بعض التحفظ على بعض النقاط

اظن دا اقل من اللي بيتقال علينا كتير في قنواتكوا وكنايسكوا
............!!!!!!!او كنايس اسكندريه(aghapy) زي قناة

ياريت تقول ايه اللى بتقال فى الكنايس وفى قناة اغابى خصوصا انا قناة اغابى تبث من مصر
وهى قناة دينية بحتة تشرح وتفسر تعاليم المسيحية اظن ده ميزعلش اى حد
واللى انت ماتعرفهوش ان كلمة اغابى هى كلمة فى اللغة القبطية تعنى المحبة

وانت بتقول ويوم مهجنا علي البهائيين دا عشان احنا كمصريين سماويين ومنقبلش غير كده

مش نحقك ان انت تحاسب الناس على دينتهم او اعتقادهم
انت مش هتحاسب الناس مين اداك الحق ده
سلطة محاسبة الناس هى من سلطات الله وحده
من اقوال الانجيل


1«لاَ تَدِينُوا لِكَيْ لاَ تُدَانُوا، 2لأَنَّكُمْ بِالدَّيْنُونَةِ الَّتِي بِهَا تَدِينُونَ تُدَانُونَ، وَبِالْكَيْلِ الَّذِي بِهِ تَكِيلُونَ يُكَالُ لَكُمْ. 3وَلِمَاذَا تَنْظُرُ الْقَذَى الَّذِي فِي عَيْنِ أَخِيكَ، وَأَمَّا الْخَشَبَةُ الَّتِي فِي عَيْنِكَ فَلاَ تَفْطَنُ لَهَا؟ 4أَمْ كَيْفَ تَقُولُ لأَخِيكَ: دَعْني أُخْرِجِ الْقَذَى مِنْ عَيْنِكَ، وَهَا الْخَشَبَةُ فِي عَيْنِكَ؟ 5يَامُرَائِي، أَخْرِجْ أَوَّلاً الْخَشَبَةَ مِنْ عَيْنِكَ، وَحِينَئِذٍ تُبْصِرُ جَيِّدًا أَنْ تُخْرِجَ الْقَذَى مِنْ عَيْنِ أَخِيكَ!


[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل ميلاد في 2011-03-14, 1:33 am عدل 1 مرات (السبب : خطا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد ابوموته
 
 


عدد المساهمات : 202
تاريخ التسجيل : 08/06/2010
العمر : 24
الموقع : طنطا

مُساهمةموضوع: رد: ماتحرقوش الكنايس..احرقوا المسيحيين   2011-03-15, 11:32 pm

واضح انك كتبت الموضوع وانت منفعل وما نتبهتش للالفاظ اللي انت كاتبها
المهم
يا اخي في الوطن ميلاد
نحن لم نصنع الفتنه ولم نكن نحن ابدا من يدعوا لها او يخرج الي خارج مصر ويحرض الدول علي البلاد
او يذهب الي اسرائيل ويعلن مساندتها لها رغم رفض البابا للذهاب الي هناك
اخي في الوطن ميلاد
انتم من عزلتم انفسكم من البدايه
عزلتم انفسكم داخل كنائسكم حتي اصبحتوا دوله داخل دوله
تجنبتم الحياه خلال الفتره الماضيه حتي اصبحت لديكم حساسيه من اي شئ من المفترض انكم تفهمون انه عادي كما كان في العشرينات والثلاثينات من القرن الماضي وحتي فتره قريبه جدا
اخي ميلاد
نحن لم نغلق جوامعنا علينا كما تفعلون انتم
اخي ميلاد بم تفسر لي السلاح الذي يهرب الي الصعيد
ماذا هل انتم داخلون حربا
اخي ميلاد بم تفسر لي احداث دير ابو فانا وهجوم الرهبان علي الاهالي بالاسلحه الرشاشه
اخي ميلاد لم ترفضون فتح الكنائس امام الناس والتفتيش كما تفتح الجوامع
بالنسبه لموضوع البهائين
هل تعلم اخي ميلاد ماذا نطلق نحن عليكم
نطلق عليكم اهل الكتاب
اما البهائيون فهم ليسوا مسلمين كما تقول انت انما هما كفار
هل تعلم لماذا
لأن المسلم عندنا لا يكون مسلم الا اذا سلم
بأن يقول
اشهد ان لا اله الا الله وان سيدنا محمد رسول الله
وان يأمن بها قولا وفعلا
وهذا ما ينكره البهائيون
اما بخصوص المقال الذي انت قد وضعته كدليل علي اننا لا نحبكم فهذا غير صحيح
ففي كل ديانه يوجد هناك المتعصب والمعتدل كما هو الحال عندكم
واظن انك مطلع علي كثير من المنتديات والمدونات المسيحيه الموجوده علي الانترنت
والتي بها الكثير من التهجم علي الاسلام بل ومهاجمة الرسول صلي الله عليه وسلم
وهذا ما ليس في ديننا
ففي ديننا اخي ميلاد نؤمن بكل الاديان السماويه
نمن بموسي كليم الله
ونؤمن بعيسي ابن مريم البتول
ولا يستطيع اي مسلم ان يتجرأ علي اي نبي لأنه بذلك يكون يخالف تعاليم دينه
وهذا ما لا يصنعه بعضكم
اخي ميلاد
انتم لستم اقباط وحدكم
فكل الذين يعيشون في مصر اقباط( مسلمون ومسيحيون)
كلمة قبطي تعني مصري
لا تعني مسيحي
اخي
منذ قليل قرأت خبر عاجل علي جريدة اليوم السابع يفيد بتوجه ثلاثة الاف مسيحي الي ماسبيرو
ومهاجمتهم لقوات الجيش هناك بالحجاره والاسلحه البيضاء والشوم
بما تسمي هذا
اليس هذا استفزازا للجيش ومحاولة لخلق فتنه لا يعلم مداها الا الله
اخي في الوطن ميلاد
ستظل مصر بلد لكل من يعيش فيها من مسلمين ومسيحين
واعتقد ان الارمن والسريانين وكثير من طوائفكم هنا تعيش في مصر واعتبرت مصر وطنها رغم انهم ليسوا من مصر ولم ترفضهم مصر في يوما من الايام
اخي ميلاد لا تسمع لأصوات من عندكم تبغي ان تستغل الظروف الحاليه لكي تكسب مكاسب سياسيه علي حسابكم انتم ففي الاخر من يدفع الثمن هم الناس البسيطه ومن يكسب المغانم هم من يسموا انفسهم بالصفوه لا تجعلوا من انفسكم حطبا لأمور تنفذ في الخفاء لا تتمني الخير لمصر
ومن هنا اخي ميلاد اسجل اعجابي الشديد بالاستاذ جورج اسحاق
ختاما اقول لك
تحيا جمهورية مصر العربيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميلاد
 
 


عدد المساهمات : 584
تاريخ التسجيل : 09/07/2010
العمر : 25
الموقع : البحيرة

مُساهمةموضوع: رد: ماتحرقوش الكنايس..احرقوا المسيحيين   2011-03-16, 12:34 am

انا مش عارف ارد اقوللك ايه

انت عمرك رحت وشوفت دير قبل ذلك بلاش رحت وده مستحيل

عندك فيديو به رهبان معهم رشاشات يا اخى عيب تصدق وتقول كلام زى ده

طيب فرضنا ان احنا معانا سلاح فى الادير او دير من الادير كنا ضربنا نا ودفعنا عن الاديرة اللى بتتهاجم من البلطجية على الاقل

وستحسب دفاعا عن النفس وعن الدير انت شوفت الفيديوهات اللى بيهجم فيها قوة من الجيش مش هاقوللك البلطجية ده الجيش اللى بيحمنا كلنا ومش بيفرق

ياريت كلامك يكون فيه اثبات عليه بفديو مثلا

احنا بنعمل مظاهرات بنطالب بحقوقنا المهضومة
1 عمل قانون موحد ابناء دور العبادة
2 عدم التدخل بتاتا فى قوانين الاحوال الشخصية مش ما صدر حكم بالزواج الثانى وكان رد البابا واضح نحن لانلتزم الا بالانجيل فى هذا الموضوع
3 نريد دولة مدنية علمانية تستند الى المبادى الانسانية وحقوق الانسان لا على اساس دينى والتستر تحت مسمى الدين
وعدم خلط الدين بالسياسة
ونبقى ماشين على نظام اللى ميعملش اللى احنا عاوزنه يبقى كافر
4 الغاء خانة الديانة من المستندات الرسمية فلا علاقة للدولة بديانتى فانا مصرى ادين بكل الولاء لمصر بغض النظر عن الديانة
5 حرية العقيدة


ثم انا مش منفعل ولا حاجة والفاظى واضحة


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد ابوموته
 
 


عدد المساهمات : 202
تاريخ التسجيل : 08/06/2010
العمر : 24
الموقع : طنطا

مُساهمةموضوع: رد: ماتحرقوش الكنايس..احرقوا المسيحيين   2011-03-16, 4:45 pm

واضح اخي ميلاد انك لم تقرأ ردي كله حتي ترد عليه
اما بالنسبه للادله فالتحقيقات والمحاضر موجوده في اقسام الشرطه والنيابه ولكنها لم تكن تخرج وانت تعلم ذلك حيث كان يستخدمها الامن في الضغط علي كهنتكم
اما بالنسبه لمطالبكم
اخي ميلاد
1 _ انا معك في تشريع قانون موحد لدور العباده ولكنك لا تأتي في منطقه يكون فيها الاغلبيه المسلمه
99 % وتقولي انا عايز ابني كنيسه
2 _ بالنسبه لموضوع الاحوال الشخصيه فالمحكمه لم تأتي اليكم وتجبركم علي الذهاب اليها
فأنتم من تذهبون اليها ثم تأي حضرتك وتقولي عدم التدخل في قانون الاحوال الشخصيه لم لم يجبر البابا من توجه الي المحكمه ان لا يلجأ اليها
3 _ ومعظم المسلمين ايضا يريدونها مدنيه ولكن ليست علمانيه
نريدها مدنيه يعيش فيها الناس جميعا في سلام ومحبه
4 _ مش من حقك انك تقولي الغي خانة الديانه من البطاقه
فكيف تحفظ لي عدم الخلط في المصاهره في دينكم اخي ميلاد لا تقبلون بأن يتجوز مسلم من مسيحيه فكيف ان تقدم لأحدي الفتيات المسيحيات فتي مسلم ليتزوجها ولم يكن معرو ف ديانته في البطاقه
ما الذي سيترتب علي هذا
5 _ حرية العقيده
منذ متي ومصر ليس فيها حرية العقيده
طوال حياتك اخي ميلاد هل منعك احد ان تدخل الكنيسه لتؤدي صلاتك
هل اجبرك احد علي ان تعتنق الاسلام
هل اجبرك احد علي الا ترسم الصليب علي يدك
اه نسيت بالنسبه لموضوع رئيس الجمهوريه
هل تقدم واحد منكم للترشح ومنع اذا كنتم تريدون ان يتقدم احد الي الرئاسه فليتقدم
ولكنك لا تجبرني علي ان انتخبه
في الاخر اخي ميلاد اكرر لك نصحي
لا تكونوا حطبا لنار الفتنه فأنتم من سيدفع ثمنها لا من يحرضوكم اخي ميلاد
طول عمر مصر لا تعرف التمييز فلا تأتون انتم الان من اجل حفنة من الاشرار في الخارج وبعض من الداخل الذين يريدون استغلال الوضع الراهن وكسب مكاسب سياسيه علي حسابكم
فأنتم اول من سيكتوي بالفتنه لا من يحرضكم من القنوات التي تبث من قبرص ولا المنتديات والمدونات علي الانترنت الذي وصل بها حد الاستهزاء الي تكفير المسلمين والوعيد لهم بالنار
اخي ميلاد
تحيا جمهورية مصر العربيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميلاد
 
 


عدد المساهمات : 584
تاريخ التسجيل : 09/07/2010
العمر : 25
الموقع : البحيرة

مُساهمةموضوع: رد: ماتحرقوش الكنايس..احرقوا المسيحيين   2011-03-17, 12:43 am

لا تعلـــــــــــــــــــــــــــــــــــــــــــــيق[b]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القرصان
 
 


عدد المساهمات : 523
تاريخ التسجيل : 20/10/2010
العمر : 24

مُساهمةموضوع: رد: ماتحرقوش الكنايس..احرقوا المسيحيين   2011-03-17, 4:16 pm

ايه يارجاله بهدوء الدين لله والوطن للجميع


اذا اردت شيئا بشده اطلق صراحه فان عاد اليك فهو ملك لك الى الابد
وان لم يعود اليك فهو لم يكن لك من البدايه

[ندعوك للتسجيل في المنتدى أو التعريف بنفسك لمعاينة هذه الصورة] القرصان [ندعوك للتسجيل في المنتدى أو التعريف بنفسك لمعاينة هذه الصورة]

رايت العين تبكى فسالتها لما البكاء؟
اعلى صديق؟ قالت ياليت. فقلت اعلى حبيب؟
قالت ياليت ياليت.فقلت اجيبى ياعين اوشك
الدمع على الانتهاء.فقالت ابكى على زمان
قل فيه الوفاء بين الاصدقاء وحتى الاحباء
واصبح الكذب والنفاق اساسا للبقاء......
[ندعوك للتسجيل في المنتدى أو التعريف بنفسك لمعاينة هذه الصورة] القرصان [ندعوك للتسجيل في المنتدى أو التعريف بنفسك لمعاينة هذه الصورة]
اذا كان العمر يعد بعدد لحظات السعاده فاكتبوا على قبرى مات قبل ان يولد
[ندعوك للتسجيل في المنتدى أو التعريف بنفسك لمعاينة هذه الصورة] القرصان [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zain_el_din
 
 


عدد المساهمات : 83
تاريخ التسجيل : 27/01/2011
العمر : 24

مُساهمةموضوع: رد: ماتحرقوش الكنايس..احرقوا المسيحيين   2011-03-17, 11:36 pm

بالنسبه لتحفظاتك يا ميمو:

مفيش اقرب من حادثة اسكندرية اللي اسأتوا فيها للنبي عليه الصلاة والسلام
والمسلمين ساعتها هاجوا
وبعدين هنروح بعيد ليه ....؟.
انا فدينك مؤمن ولا كافر...........؟
رغم انك عندي اهل كتاب
بس انت حر في اللي تقوله وانا حر في اللي اقوله ما دام ما بين اهل الدين الواحد
بدون تعدي علي حد.....


اما بالنسبه لحرية العقيدة دي حاجه انا مؤمن بيها جدا وسعيد اني لقيت مصرى مؤمن بيها زيي........؟
بس في حاجة انت مش واخد بالك منها......
احنا مصريين شرقيين
منقبلش دا
انا من 5 سنين اتكونت عندي حرية العقيده عن فهم بما اني مسلم
فاهم ديني...
بس كنت لسا صغير
سألني واحد فجأة لو اختك غيرت دينها هتعمل ايه......؟
بسرعه قبل ميخلص سؤاله قلتله.....؟
هقتلها وبعدها بسرعه......لالالالامش ممكن
ساعتها عرفت ان ددا مش تخلف دا طبع
( النخوة ) للوطن ....الارض ......العرض ...... الدم ...... وفبلهم........ الدين
دا اللي حافظ علي اقدم دوله ولسه موجوده وبنفس حدودها لحد النهارده....؟
ودا اللي حاول يغيره فينا الغرب وفشل.....؟
حاليا انا قومته ( بخصوص الدين..)
بس بقت اجابتي ههجرها بره مصر احسن مبقي مضطر اقتلها
انت متعرفش انا بحب اخواتي البنات اد ايه......؟
ومع ذلك لمجرد سؤال خانتني عواطفي وكنت هرتكب جريمه....؟
معرفش ايه اللي ممكن يحصل لو حصل حقيقه.......؟
وانت كمان كدا انت مش من طينه تانيه انت برضه شرقي
دا طبعك
انت متقبلش ان اختك تبقي مسلمه او تجوز مسلم ولا الكنيسه توافق.......( دي حالات شفتها...)
ورغم اني انا وانت مؤمنين بحرية العقيدة الا اننا منضمنش الباقيين....؟
والدليل احداث اطفيح من المسلمين......( تطرف )
احداث ما بعد تفجير كنيسة القديسين ( ضربوا كل مسلم شافوه........واما جم علي صاحبي محمود الممرض وسألوه عن اسمه قلهم اسمى ......جرجس...)
خاف (تطرف )
كل انا ملومش عليه لانه ساعة غضب
لكن دا ميمنعش ان دا لازم يتغير مفيش مكان ما بينا للتطرف حتي لو ساعة غضب


بالنسبه لاقوال الدين اللي بتنادي بحرية العقيدة كتير
خد عندك
قال تعالي :
( لا اكراه في الدين قد تبين الرشد من الغي..)
حتي عن الكفار اللي مش اهل كتاب قال :
(لكم دينكم ولي دين..)

قال النبي عليه الصلاة وازكي السلام :
( استوصوا بالقبط خيرا فان لهم نسبا وصهرا...)
دي توصيه لكل مسلم علي مسيحيين مصر بحسن المعامله
معناها الحب ......المودة.......الاخاء.........التعاون.....البر
مش ابقي واصي عليك ابدا
دا للمسلم الغريب مابالك انك اخويا
النبي موصيني علي اخويا.....دا انا اشيلك من علي الارض شيل
وعمري مسيب حاجة تزعلك ابدا...
دا معني الوصاية

لما قلتلك هجنا قلتلك (مصريين )
يعني مسلمين ومسيحيين
لما قلتلك سماويين
دا لاعتقادنا ان الله هو الوحيد المستحق للعبادة (حقيقة )
(ودا اعتقاد اي يهودي ..مسيحي ..مسلم.......مصري )




اسف علي الاطالة
زين الدين
zain el-din
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد الخطيب
 
 


عدد المساهمات : 420
تاريخ التسجيل : 22/01/2011
العمر : 26
الموقع : http://www.facebook.com/profile.php?id=100002466607770

مُساهمةموضوع: رد: ماتحرقوش الكنايس..احرقوا المسيحيين   2011-04-03, 1:41 pm

انا الصراحه لأول مره اقرأ هذا الموضوع لكن حين ما بدأت بالقراءه اغضبنى كلام ميلاد لكن ما انى قرأت الردود وخاصة رد احمد ابو موته الذى اثلج قلبى عندما قرأته والذى يدل على ثقافته وباقى الردود الصراحه لكن احب ان يعلم اخى ميلاد مايحدث للمسلمين فى الدول الغربيه لأنهم أقليه من ظلم وتضييق للحقوق وما يحدث لكم وانتم اقليه هنا...!! كما تظهر بلد لتقول اننا دوله مسيحيه وعلى المسلمين الاندماج معانا وتظهر اخرى لتهد مآزن المساجد ويظهر ايضا فى كنيسه امريكيه تقوم بحرق المصحف هل سمع اخى ميلاد عن احد من المسلمين قام بحرق الانجيل ..!! هل اجبرت اخواتنا المسيحيات على لبس الحجاب كما اجبرت المسلمات على عدم ارتداء الحجاب ؟؟ هل يسمع اخى ميلاد عن هذا كله والله لعلمتم ما فى المبادئ الاسلاميه من الحقوق والعداله والحريه لطالبتومونا بالحكم بها فى كل ميادين الحياه وفى الشغل وفى البيوت.........الخ واتمنى لأخى ميلاد ألا ينصاع وراء الوساوس التى تشعل الفتنه كما ان المسلمين والمسيحيين يحبون بعدهم جدا والصراحه كل هذه الاقاويل لا تؤثر على هذا النسيج واكرر تحيتى لأحمد ابو موته واتمنى اكون صديق له لأنى احببته من ردوده العاقله الشـــــــــافـــــــــــيه واتمنى من ان يكتر الله من امثاله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/profile.php?id=100002466607770
dosa
 
 


عدد المساهمات : 445
تاريخ التسجيل : 21/01/2011
العمر : 26
الموقع : المنوفيه

مُساهمةموضوع: رد: ماتحرقوش الكنايس..احرقوا المسيحيين   2011-04-03, 6:39 pm

ستووووووووووووووووووووب
خلاص انت وهو وهو وهو خلصنا انت حتقطعوا بعض على الهوا ولا ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Kappo
 
 


عدد المساهمات : 73
تاريخ التسجيل : 07/11/2010
العمر : 28
الموقع : مصري

مُساهمةموضوع: رد: ماتحرقوش الكنايس..احرقوا المسيحيين   2011-04-11, 9:32 am

بعد اذن الاخوة المتابعين ، عندي بعد الملاحظات على ما قرأت فياريت تسمعوني .. وشكرا لكم مقدما I love you


اولا : يا استاذ ميلاد كلام اي صحفي او غيره ليس بحجة على الاسلام ، فاثبت من القرآن الكريم والاحاديث النبوية الصحيحة جواز حرق الكنائس وقتل المسيحين (او بالاحرى غير المسلم) .

قال عز وجل : لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ [سورة الممتحنة آية 8] .

واعتقد مصر اقرب دليل على سماحة الاسلام ومعاملته الحسنة لاهل الديانات الأخرى ، ووجودك بيننا الآن هو خير دليل على ذلك ... وللا ايه ؟ king


حضرتك بتقول :
اقتباس :
ياريت تقول ايه اللى بتقال فى الكنايس وفى قناة اغابى خصوصا انا قناة اغابى تبث من مصر
وهى قناة دينية بحتة تشرح وتفسر تعاليم المسيحية اظن ده ميزعلش اى حد
واللى انت ماتعرفهوش ان كلمة اغابى هى كلمة فى اللغة القبطية تعنى المحبة

من حق أي قناة دينية انها تنشر اللي هي عاوزاه ، لكن بدون تجريح في اي ديانة اخرى .

ما رأيك في قناة الحياة وما يبثه القمص زكريا بطرس ؟

ياريت نكون اكثر حيادية وشفافية .


اقتباس :
عندك فيديو به رهبان معهم رشاشات يا اخى عيب تصدق وتقول كلام زى ده

للاسف يا استاذ ميلاد حضرتك وكتير من المسيحيين لم يفكروا بعقلانية في هذه النقطة خصوصا ... فما هو اثباتك ان الذين يفعلون ذلك ويظهرون في الفيديو مسلمين ؟

مش كل اللي مربي لحيته مسلم يا ميلاد .


اقتباس :
1 عمل قانون موحد ابناء دور العبادة

يا استاذ مصر (على سبيل المثال) تحتاج الى بناء مسجد كل ثانية ولكن احنا مبنتكلمش ، وكل مسلم ربنا رازقه ومعاه فلوس بيبني مسجد على حسابه الخاص ... ولعلك تلاحظ ان بيكون فيه مصلين بيصلوا خارج المساجد من ضيق المساحة !

وانظر للكنائس اللي بيتم اصلاحها وتجديدها من آن لآخر .


اقتباس :
2 عدم التدخل بتاتا فى قوانين الاحوال الشخصية مش ما صدر حكم بالزواج الثانى وكان رد البابا واضح نحن لانلتزم الا بالانجيل فى هذا الموضوع

ومين قال اننا بنتدخل في حاجة زي دي ؟

علشان الصورة تكون واضحة لسعادتك ... اي مسلم بيتكلم في حاجة زي دي بيكون راجل متخصص في دراسة مقارنة الاديان وبيتكلم بادلة وبراهين .. ومتنساش الفنانة هالة صدقي يا ميلاد Smile .


اقتباس :
3 نريد دولة مدنية علمانية تستند الى المبادى الانسانية وحقوق الانسان لا على اساس دينى والتستر تحت مسمى الدين
وعدم خلط الدين بالسياسة
ونبقى ماشين على نظام اللى ميعملش اللى احنا عاوزنه يبقى كافر

تقبل ان يكون تحت بيتك (خمارة) ؟ تقبل ان واحدة من اهل بيتك (ومش عاوز اقول اختك علشان متزعلش) وهي خارجة من البيت يلاحقها سكير ويتحرش بيها او يقولها كلمة بذيئة ؟

ومش هتقدر تقول بم ... هيقولك حرية رأي يا بيه . Very Happy

احمد معبودك انك تعيش تحت الحكم الاسلامي ، وكفاية انك قاعد في بيتك ومتطمن ان محدش يقدر يبص لاهل بيتك لانك وببساطة في بلد اسلامية .

وحتى لو حصل خطأ من اي مسلم فدا غلطه هو والقانون بيحاسبه سواء كان المجني عليه مسلم او غيره .

وعلى فكرة فيه مسيحيين يؤيدون ان تظل مصر دولة اسلامية .

اقتباس :
4 الغاء خانة الديانة من المستندات الرسمية فلا علاقة للدولة بديانتى فانا مصرى ادين بكل الولاء لمصر بغض النظر عن الديانة

دا من العلمانية برده ، وكدا عايزين الناس زي الحيوان للاسف ... فانت ماشي ومحدش عارف انت مسلم وللا مسيحي ، لو حب ينصحك حد يقولك وحد الله وصلي على النبي وللا يقولك الرب يباركك !! Cool

اقتباس :
5 حرية العقيدة

وسعادتك مش حاسس بحرية العقيدة في مصر ؟

اقرأ يا ميلاد تاريخ دخول الاسلام مصر وكيف عامل العرب المسلمين الاقباط ، وهتعرف ايه هي حرية العقيدة بالظبط من الاسلام العظيم .

ملحوظة : لو ملقتش مصادر قوللي وانا اعطيك كتب هتفيدك ، فانا بفضل الله قاريء جيد .


واخيرا : ياريت نسمع تعليقك على كلامي يا استاذ ميلاد وارجو من الاخوة المتابعة .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.youtube.com/user/Youseef70
 
ماتحرقوش الكنايس..احرقوا المسيحيين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المعهد الفنى الصحى :: المنتدى العام :: القسم العام-
انتقل الى: